好開心終於終於終於食到呼吸咖啡新分店
(無錯之前已經嚟過門口好多次, 唔係是日休息 就係已關門/未開門)
喜歡呼吸咖啡嘅程度 基本上係 唔使睇menu已經叫到野食
店員哥哥見我咁熟行情, 就吹多幾句水, 氣氛甚為愉快
我: 邊度有得斟水 (他家的水是自助的)
店: 我幫你啦
我: 自己嚟OK㗎啦, 得你一個店員, 費事麻煩你
店: 哦, 慣㗎啦, 情人節都係一個人
突然觸踫到我笑點, 二人捧腹大笑之中，瀰漫住一片唏噓。
P.S. 希望下次店員哥哥唔好再俾飲管我, 今次唔記得事先講唔要飲管係我錯